<p>Debugger e je une aplicazion che l'utent comun nol à di doprâ masse. E je orientade ai disvilupadôrs che a indaghin sui erôrs dai programs. Cualchi volte i erôrs a risultin in colàs e in chê volte i utents a vegnin in contat cul Debugger. Cuant che un program al colasse, tu cjatarâs chest messaç di alerte :</p>
<p>Al ufrìs cuatri opzions par dâ cuintri al colàs:</p>
<ul>
<li><p><spanclass="button">Termine</span> al netarà dut dopo il colàs de aplicazion, ma plui di cussì nol fasarà nuie altri.</p></li>
<li><p><spanclass="button">Debug</span> al fasarà partî il Debugger par investigâ plui in profonditât.</p></li>
<li><p><spanclass="button">Salve rapuart</span> al cree un rapuart di debug che al ven salvât come file di test sul Scritori e al pues jessi inviât vie e-mail al disvilupadôr de aplicazion che e je colassade opûr zontade a un cartelin al so bugtracker, se disponibil.<br/>
Il rapuart di debug al conten informazions sul to hardware (gjenar di CPU e memorie doprade e vie indenant), la version esate di Haiku e dutis lis informazions disponibilis sul stât dal sisteme che a puedin jessi significativis pal colàs.</p></li>
<li><p><spanclass="button">Scrîf file cul stât de memorie</span> al cree un pussibil enormi file dulà che al ven tirât ju il stât dal sisteme. Al è miôr zontâ prime un rapuart di debug regolâr cuant che si invie une segnalazion di erôr e dome dopo furnî il file cul stât de memorie, se domandât.</p></li>
</ul>
<p>La azion predefinide di cuant che al sucêt un colàs e pues jessi configurade cuntun file di test <spanclass="path">~/config/settings/system/debug_server/settings</span>.<br/>
Il file al cjape un formât di stîl di driver_settings come chi daurman:</p>
<pre>default_action user
executable_actions {
app1 log
/path/app2* debug
}</pre>
<p>I valôrs valits par une default_action a son:</p>
<p>La sot-sezion executable_actions e conten valôrs individuâi che a passin parsore a chei predefinîts. Chescj a cjapin la forme parsore, dulà che lis riis individuâls a puedin jessi dome un non di un team, o un percors, cui caratars mate.</p>
<p>Nol à sens descrivi l'ûs dal Debugger atuâl in cheste vuide che e je indreçade aes necessitâts dal utent comun di Haiku. Par completece, chi al è il barcon che al vignarà fûr se si sielç la opzion <spanclass="button">Debug</span> te alerte parsore:</p>
<p>Butant di corse il voli tu viodarâs che cuant che tu tacarâs a tafagnâ parsore un tic tu ti rindarâs cont che il Debugger e je une des plui complicadis e sofisticadis aplicazions par Haiku. Se tu sês un disvilupadôr e tu sês abituât ai debugger grafics su altris plateformis, tantis funzionalitâts ti saran familiârs.</p>
<p>Chi sot a son un pôcs di colegaments che a puedin pandi un pocje di lûs su lis complessitâts dal debugger di Haiku. Se tu âs une domande specifiche, tu podaressis considerâ la idee di publicâle su la <ahref="http://www.freelists.org/list/haiku-development">mailing list di disvilup</a>. Se tu cjatis risorsis plui utilis, par plasê segnale un <ahref="../../../welcome/fur/bugreports.html">erôr</a> cun chê informazion.</p>
<tr><tdclass="onelinetop"><ahref="https://www.dropbox.com/s/e6gx39r0asc2t8f/DebuggerReferenceManual.pdf?dl=1">Debugger Reference Manual</a></td><td></td><td>Cheste e je la sorzint plui aprofondide su ce mût lavorâ cul Debugger.</td></tr>
<tr><td><ahref="https://www.haiku-os.org/blog/anevilyak/">Blogposts</a></td><td></td><td>A son un pôcs di articui sul Debugger, pal plui di Rene Gollent daspò vê implementât une gnove funzionalitât.</td></tr>
<tr><tdclass="onelinetop"><ahref="https://www.youtube.com/watch?v=n-NDFwtmQcI&list=PL2KiE-VO9zk-9XPmfusEDaOFd_7AiVKzz">BeGeistert 026 video</a></td><td></td><td>Un video de riunion di BeGeistert dal 2012, dulà che Ingo Weinhold al dimostre il stât dal Debugger di chê volte e al mostre altris struments interessants come il profiladôr par cjatâ fûr i cuei di butilie.</td></tr>
