<p>MostreImagjin ti permet di viodi i imagjins in ducj i formâts che a son supuartâts midiant <ahref="../preferences/datatranslations.html">Traduzion dâts</a>. I gnûfs formâts a vegnin ricognossûts in automatic cuant che il lôr tradutôr al ven zontât al sisteme. Chest al è stât fat, par esempli, pai file des iconis vetoriâls di Haiku, lis imagjins di WonderBrush o cuant che lis imagjins WebP a son deventadis disponibilis.<br/>
MostreImagjin al furnìs funzions minimis di modifiche par taiâ fûr, voltâ e ribaltâ lis imagjins e par salvâlis intun altri formât.</p>
<p>Il menù <spanclass="menu">Visualize</span> al da la pussibilitât di fâ partî une <spanclass="menu">Proiezion diapositivis</span> di dutis lis imagjins che a stan intune cartele (o di un barcon che al à i risultâts di une interogazion) e stabilî un <spanclass="menu">Ritart diapositive</span> di 2 a 20 seconts.</p>
<p>Altris comants si aplichin ae imagjin cumò visualizade (cence cambiâ la dimension dal barcon):<br/>
<spanclass="menu">Dimension origjinâl</span> al mostre la imagjin cuntun fatôr di ingrandiment dal 100%.<br/>
<spanclass="menu">Adate al barcon</span> al torne a limitâ la imagjin tal ricuadri dal barcon, p.e. dopo vêle ingrandide o vê ridimensionât il barcon.<br/>
Cun <spanclass="menu">Ingrandìs</span> e <spanclass="menu">Impiçulìs</span> si spostisi dentri e si tirisi fûr cuntun increment dal 10%. L'ingrandiment al ven fat ancje cu la rudielute dal mouse; par scori ator intune imagjin plui grande dal barcon al baste tignî fracât il clic di çampe e strissinâ il mouse ator.</p>
<p>Dôs impostazions no si aplichin ae imagjin al moment visualizade e a vegnin tignudis iniments cuant che si navighe di une imagjin a chê dopo:<br/>
<spanclass="menu">Ingrandiment alte-cualitât</span> al apliche un filtri une vore svelt cuant che si ingrandìs par ridusi lis liniis cretosis e produsi une risultât plui morbit.<br/>
<spanclass="menu">Slungje al barcon</span> al slungjarà lis imagjins plui piçulis par jemplâ il ricuadri atuâl dal barcon.</p>
<p>Dopo si à une modalitât <spanclass="menu">Plen visôr</span> cuntune opzio par fâ <spanclass="menu">Mostre didascalie in modalitât plen visôr</span> che e sorepon il non dal file in bas te imagjin.</p>
<p>Par ultin, <spanclass="menu">Mostre sbare dai struments</span> al mostrarà/platarà i controi grafics:</p>
<p>De çampe ae diestre: Imagjin precedente, imagjin sucessive, proiezion diapositivis (in modalitât plen visôr), modalitât selezion, dimension origjinâl, adate al barcon, ingrandìs, impiçulìs, pagjine precedente e sucessive (cuant che si à un formât imagjin come TIFF che al permet plui pagjinis intun sôl file, viôt chi sot).</p>
<p>La plui part dai comants doprâts plui dispès a son disponibii ancje dal menù contestuâl che si à cul clic diestri su pe imagjin. Util cuant che si è in modalitât plen visôr.</p>
<p>Dopo vê viert une imagjin tu puedis esplorâ daurman dutis lis altris imagjins inte sô cartele (o tal barcon dai risultâts di une interogazion) fracant <spanclass="key">↑</span>/<spanclass="key">↓</span> o <spanclass="key">←</span>/<spanclass="key">→</span>. Tu puedis viodi la selezion che e cambie, tal barcon di Tracker.</p>
<p>E esist une maniere rapide par vierzi la cartele de imagjin che si sta viodint e ancje navigâ su chês superiôrs e tes sot-cartelis. Al funzione come cu la <ahref="../tracker.html#drill-down">navigazion a sgarfâ</a> in Tracker fasint clic inte aree des informazions inte sbare di stât che e mostre la dimension e il formât de imagjin atuâl.</p>
<p>Cjalant il menù <spanclass="menu">Sgarfe</span> , si viôt un altri gjenar di navigazion: Cualchi formât di imagjin, come il TIFF, a puedin tignî dentri plui pagjinis intun file sôl. I comants come <spanclass="menu">Prime pagjine</span> and <spanclass="menu">Prossime pagjine</span> ti permetin di navigâ tra chês pagjinis.</p>
<p>Il menù <spanclass="menu">Imagjin</span> al ufrìs cualchi manipolazion di imagjin necessarie pai visualizadôrs di imagjins: la rotazion e il ribaltament de imagjin. Fâs câs dut câs, che i dâts de imagjin visualizade no vignaran modificâts. Al ven zontât al file dome un atribût, cussì che tu le viodarâs voltade o ribaltade ancje lis prossimis voltis che tu le vierzarâs.</p>
<p><spanclass="menu">Dopre come fonts...</span> al vierzarà lis preferencis pal <ahref="../preferences/backgrounds.html">Fonts</a>, par stabilî la figure atuâl tant che imagjin pai tiei spazis di lavôr.</p>
<p>Ritaiâ e je une altre funzione che cualchi volte e covente. Par definî il ricuadri di taiâ, tu puedis passâ ae <spanclass="menu">Modalitât selezion</span> dal menù <spanclass="menu">Modifiche</span> e meti jù un ricuadri cul boton di çampe dal mouse. Se no tu desideris che prime si cambi modalitât, tu puedis creâ il ricuadi in "modalitât normâl" fasint un sempliç <spanclass="key">CTRL</span> intant che tu strissinis cul clic di çampe, che tal câs che tu sbalis alc al massim ti fâs scori ator pe imagjin.<br/>
<spanclass="menu">Nete selezion</span> o <spanclass="key">ESC</span> al gjavarà il ricuadri de selezion.</p>
<p>Il cjapitul chi sot al mostre ce mût salvâ la aree ritaiade.</p>
<h2><ahref="#"><imgsrc="../../images/up.png"style="border:none;float:right"alt="index"/></a>Salvâ e convertî</h2>
<p>Par salvâ o convertî une imagjin intun dai formâts disponibii, tu puedis clamâ la normâl vôs <spanclass="menu">Salve come...</span> dal menù <spanclass="menu">File</span>, po dopo selezione il formât e sielç il non dal file.<br/>
Dispès plui svelt, soredut cuant che al è za viert il barcon di Tracker cu la cartele di destinazion, al è il doprâ il strissine e mole.</p>
<p>Cheste e je ancje la finalitât dal parsore menzonât ritaiâ, che si selezioni un ricuadri, come descrit parsore, o che si sielzi <spanclass="menu">Modifiche | Selezione dut</span> par vê dute la imagjin. Po dopo, strissinâ e molâ la selezion sul scritori o su cualsisei barcon di Tracker al crearà une gnove imagjin (dal ritai) tal stes formât de imagjin origjinâl.</p>
<p>Par salvâ intun altri formât, eseguìs il strissinament cul mouse ma cul boton di diestre e sielç un formât dal menù contestuâl che si vierzarà cuant che tu molarâs la imagjin.</p>
<h2><ahref="#"><imgsrc="../../images/up.png"style="border:none;float:right"alt="index"/></a>Scurtis di tastiere</h2>
<p>Chi e je une liste des scurtis plui utilis:</p>
<tr><td><spanclass="key">0</span></td><td></td><td>Dimension origjinâl (ingrandiment al 100%)</td></tr>
<tr><td><spanclass="key">1</span></td><td></td><td>Adate al barcon</td></tr>
<tr><td><spanclass="key">ALT</span><spanclass="key">INVIE</span></td><td></td><td>Comute modalitât plen visôr (ancje cun dopli-clic)</td></tr>
<tr><td><spanclass="key">CTRL</span></td><td></td><td>Intat che si ten fracât <spanclass="key">CTRL</span> tu creis un ricuadri di selezion cence passâ in maniere esplicite ae modalitât selezion.</td></tr>
