<p>Graciis par vê butât un voli a Haiku! Cheste e je la nestre otave version publiche. O sperìn di tirâ dongje gnûfs disvilupadôrs pal nestri progjet e dâ une pussibilitât ai utents di provâ Haiku. Ancje se cheste cuarte <i>version beta</i> e inclût dutis lis principâls funzionalitâts planificadis pe version finâl di Haiku, e à ancjemò tancj erôrs e cualchi detai di rifinî. Dut câs, o pensìn che al è pussibil doprâ avonde ben cheste version, o sperìn che us permeti di scuvierzi il grant potenziâl di Haiku e che o condividedis la nestre passion.</p>
<aid="system"name="system">Cognossi il sisteme</a></h2>
<p>Cundut che lis primis publicazions di Haiku a saran une vore similis a BeOS R5, il sisteme operatîf che si sta tornant a implementâ, a 'ndi son tantis di zontis e mioraments che a son stâts svilupâts dal grup di Haiku in chescj agns. Duncje, che tu sedis un utent che al doprave BeOS o che tu sedis un gnûf utent, da un cuc a chescj colegaments:</p>
<tablecellspacing="16"border="0">
<tr><tdalign="center"><ahref="fur/quicktour.html"><imgsrc="images/quicktour_icon_96.png"/></a><p><ahref="fur/quicktour.html">Vuide Rapide di Haiku</a></p></td>
<tdwidth="24"></td>
<tdalign="center"><ahref="../userguide/fur/contents.html"><imgsrc="images/userguide_icon_96.png"/></a><p><ahref="../userguide/fur/contents.html">Vuide Utent di Haiku</a></p></td></tr>
</table>
<p>Par vê plui jutori intertîf e supuart, devente part de <ahref="https://www.haiku-os.org/community/"class="printurl">comunitât di Haiku</a> e partecipe ai nestris forums e canâi di chat.</p>
<divclass="box-warning">O disconseìn di doprâ lis versions beta tant che sistemis di produzion. I tiei dâts a podaressin vignî modificâts, alterâts o adiriture distruts. Ten simpri copiis di backup inzornadis!</div>
<p>Une des resons principâls par publicâ une version beta e je chê di tirâ dongje plui personis tal provâ il sisteme e scuvierzi erôrs o dâ sugjeriments par mioraments futûrs. Par plasê, segnale i erôrs e i mioraments tal nestri bug tracker, dopo vêju cirûts cu la sô funzion di ricercje, cussì di evitâ doplons.</p>
<aid="update"name="update">Instalâ Haiku e izornâlu</a></h2>
<p>Se no tu lu âs za fat, la nestre <ahref="https://www.haiku-os.org/get-haiku/installation-guide/">Vuide ae instalazion</a> online e spieghe cemût preparâ une partizion e instalâ Haiku sul to disc fis.</p>
<p>Inzornâ Haiku cussì come i pachets di tiercis parts al ven fat cu la aplicazion <ahref="../userguide/fur/applications/softwareupdater.html">SoftwareUpdater</a>. Cuant che al finìs, torne invie.<br/>
Par vê plui detais, viôt la vuide <ahref="https://www.haiku-os.org/guides/daily-tasks/updating-system">Inzornâ e degradâ il sisteme</a> sul nestri sît web.</p>
<p>La plui part dal software disponibil al pues jessi discjariât e instalât cu la aplicazion <ahref="../userguide/fur/applications/haikudepot.html">HaikuDepot</a> distribuide cun Haiku.<br/>
Par vie de nestre compatibilitât a nivel binari e di sorzint, la plui part des aplicazions di BeOS a zirin su Haiku. Tantis di chês a son stadis impachetadis di gnûf par Haiku o a zirin ancjemò cence ve vût modifichis. Tu cjatarâs plui informazions su ce mût instalâ i gnûfs programs intal cjapitul de vuide utent su <ahref="../userguide/fur/applications.html">Aplicazions</a>.</p>
<p>A son diviersis colezions di programs basadis su la comunitât. Viôt la pagjine <ahref="https://www.haiku-os.org/community/software">Sîts dai software</a> sul nestri sît web.</p>
<p>Haiku al è stât voltât in dozenis di lenghis e al supuarte une schirie di mapaduris di tastiere. Cuant che si invie Haiku pe prime volte tu puedis stabilî la lenghe e la mape de tastiere. Al è pussibil cambiâ chestis impostazions in cualsisei moment cu lis preferencis <ahref="../userguide/fur/preferences/locale.html">Localizazion</a> e <ahref="../userguide/fur/preferences/keymap.html">Mape tastiere</a>.<br/>
La aplicazion <ahref="../userguide/fur/applications/haikudepot.html">HaikuDepot</a> e ufrìs un ciert numar di metodis di input pal Cinês, Gjaponês e pal Corean di discjamâ e instalâ.</p>
<p>Haiku al supuarte lis rêts cence fîi che a son cifradis WEP o WPA/WPA2 e, logjic, lis conessions viertis cence cifradure. Par vie des diviersis e diferentis politichis des licencis di diferents produtôrs di hardware, e podarès coventâ un procès di instalazion manuâl pal firmware. Tu cjatarâs plui informazions sul hardware supuartât, la instalazion dai firmware e ce mût unîti a une rêt cence fîi te Vuide pal utent di Haiku <ahref="../userguide/fur/workshop-wlan.html">Laboratori: rêts cence fîi</a>.</p>
<p>Stant che Haiku e je un re-implementazion, la API e je simpri chê di BeOS R5 (cun cualchi zonte). Duncje la documentazion in Be Book e je ancjemò une risorse valide. Ringraciant ACCESS, che al à i dirits ae vecje proprietât di Be Inc., o vin il permès di furnî une copie di Be Book.<br/>
Deviazions de API di BeOS e lis specifichis zontis di Haiku a son colezionadis intal Haiku Book.</p>
<p>Metiti in contat cui altris disvilupadôrs e utents e jentre tes discussions su IRC (<ahref="https://webchat.oftc.net/?channels=haiku">#haiku</a> on webchat), tai nestris forum o tes mailing list. Cuant che tatis personis diferentis si metin adun, si à di stabilî regulis par vê une comunicazion che e rindi. Par plasê rispiete la nestre <ahref="https://www.haiku-os.org/community/ml/etiquette">Etichete de Mailing List</a>.</p>
